So be careful with your self eating MENTOS (POLO’s) and drinking COCA-COLA or PEPSI together.
CHECK THIS OUT…






PLZ PASS THIS INFORMATION TO AS MANY PEOPLE AS POSSIBLE SPECIALLY TO THE CHILDREN’S. BECAUSE IN OUR COUNTRY MENTOS AND COCA-COLA BOTH ARE VERY POPULAR TO THE CHILDREN.

ဒဂုန်တာရာ

(ဗိုလ်ချုပ်အသက်ရှိစဉ် တာရာမဂ္ဂဇင်း ပထမဆုံး ထုတ်တွင် စာရေးဆရာ ဒဂုန်တာရာ ၏ ဝေဘန်ချက် ကို အလင်္ကာကျော်စွာ ဆရာကြီး သခင်ကိုယ်တော်မှိုင်း ကြီးမှုးတည်းဖြတ်သော ဗိုလ်ချုပ်အောင်ဆန်း အတ္ထုပ္ပတ္တိ (၁၉၅၁)၌ ပြန်လည်ဖော်ပြခဲ့ပါသည်။ မူရင်းအတိုင်း ပြန်လည်၍ ဖော်ပြလိုက်ပါသည်။)

မောင်လူအေး

အောင်ဆန်း – သို့မဟုတ် – အရိုင်း

သူ၏အောက်မှ လူထုကြီးသည်၊ စည်းကမ်းသေ၀ပ်ခြင်း အတန်ငယ် ကင်းမဲ့စွာ နားထောင်လျက်ရှိ၏။ လူထုကြီးသည် စူးစိုက်ခြင်းမရှိ၊ တချို့ကပြုံးရယ်၍နေ၏။ နောက်နားရှိ လူထုအစိတ်အပိုင်း တခုကား အချင်းချင်း ကပ်ကာ တီးတိုးပြော၍ နေ၏။ သို့သော်ပြက်ရယ်ပြု ချင်း ကားမရှိ။ အစိမ်းပုတ်ရောင် ကတ္တီပါကားကြီးသည် သူ့ကိုနောက်ကား ခံ၍ထား၏။ ကားလိပ် ကြီးမှာ ဘ၀ရုပ်ပုံတောတောင်မှ ခြယ်လှယ်ထားခြင်းမရှိ ပကတိ ပိန်းပြောင်ပြောင် ဖြစ်၏။ ကတ္တီပါကားသည် အခြား ဘာအဓိပ္ပါယ် ကိုမျှ ထူးထူးထွေထွေ မဖေါ်ပြ။ သို့သော် မှိုင်းညို့ခြင်း တခုကိုသာ ရဲဝံ့စွာ ဆောင်၍နေသည်။ သူသည် သည်စိမ်းညို့မှိုင်းသော ကားကြီး၏ အရှေ့စင်မြင့် ဇာတ်ခုံပေါ်၌ ရပ်ကာ စကားပြော၍ နေသည်။ သူသည် ဗမာပထ၀ီ မြေကြီးမှ ဗမာ့ ၀ါဂွမ်းစစ်စစ်ဖြင့် ယက်လုပ် သည့် ပင်နီဖျင်ကြမ်းကြီးကို ၀တ်ထား၏။ လုံချည်မှာ နီရဲသော ရွှေတောင်ပိုးလုံချည် ဖြစ်၏။ ခေါင်းမှာ ပွယောင်း ယောင်းနှင့် မသေသပ်၊ မျက်နှာအသွင် အပြင် မှာ အပူပိုင်းဒေသ အီကွေတာပေါ်ရှိ ကျွန်းစုများတွင် နေထိုင် သော မွန်ဂိုလီယံ အနွယ် လူရိုင်း မျက်နှာ နှင့်တူ၏။ သို့မဟုတ် တောင်ပေါ်ချင်းတယောက်၏ မျက်နှာနှင့် လည်း တူ၏။ တက္ကသိုလ် ကျောင်းသား လူလတ်တန်းစား၏ လက္ခဏာဖြစ်သော ထယ်ဝါခြင်း၊ ယဉ်ကျေးသိမ် မွေ့ခြင်း တို့သည် သူ့တွင်လုံးဝ မခိုအောင်း။ လမ်းပေါ်တွင် နေရာတကာ တွေ့မြင်နိုင်သော သာမန် ဆင်းရဲသား တဦးနှင့် သာ တူ၏။ ဗမာလူထုကြီးထဲမှ သူတဦး ၏ အသွင်အပြင်မျိုးသာ ဖြစ်၏။ သူသည် လက်နှစ်ဘက် ကို ဘေးသို့ ကား၍ လှုပ်ကာ လှုပ်ကာ စကားကိုပြော၏။ သူ၏ စကားလုံးများကား ပြေပြစ်ခြင်း မရှိ။ ချောမွေ့ခြင်းမရှိ။ သို့သော် အတွင်း၌ကား အနက်ပါ၏။ သင် ပထမဆုံးသော အောင်ဆန်း ၏ ပုံပန်းကို ရေးပြပါဆိုလျှင် ကျွန်တော်သည် သည်ပုံကို ရေးပြမည် ဖြစ်၏။

ထိုအခါကား ၁၉၃၅-ခု ပဌမဦးဆုံး ကျင်းပအပ်သော ဗမာနိုင်ငံလုံးဆိုင်ရာ ကျောင်းသားများ ညီလာခံကြီး ကို ရန်ကုန်မြို့ ဂျူဘလီဟော ခန်းမတွင် ဆင်ယင်နေသော အခါဖြစ်ပေသည်။ ကျွန်တော်သည် အထက်တန်း ကျောင်းတွင် ပညာသင်ကြား လျက်ရှိရာ နယ်မှ ကျောင်းသား ကိုယ်စားလှယ် အဖြစ် ကျောင်းသားများ ညီလာခံသို့ တက်ရောက်စဉ် အောင်ဆန်း စကား ပြောသည် ကို တွေ့မြင်ရခြင်းဖြစ်ပေသည်။ ၁၉၃၆-ခု၊ သပိတ်မှောက်ကိစ္စ တောက်လောင် တော့မည့် ဆဲဆဲ၊ မီးခိုးများ အူနေသည့်အခိုက်၊ “အောင်ဆန်း” အမည်ကို သတင်းစာ များတွင် ဘတ်ရသော အခါ၊ သူ့ကို သိချင်သောစိတ် အင်မတန်ထက်သန်ခဲ့သည်။ ထိုအခါက အောင်ဆန်းမှာ တက္ကသိုလ် သမဂ္ဂအသင်း၏ ကြွေးကြော်သံ ဖြစ်သော အိုးဝေမဂ္ဂဇင်း ၏ အယ်ဒီတာ ဖြစ်၏။ ကျွန်တော်မှာ စာပေ၀ါသနာ ပါသူ ဖြစ်ရာ၊ အောင်ဆန်း ကို အိုးဝေမဂ္ဂဇင်း အယ်ဒီတာ အဖြစ် စိတ်ဝင်စား၏။ အားကျ၏။ သူ့အကြောင်းကို သိချင်၏။ တွေ့ဘူးချင်၏။ သို့သော် ဂျူဘလီဟော ကျောင်းသားများ ညီလာခံတွင် သူ၏ရုပ်သွင်နှင့် သူစကားပြောသည် ကို တွေ့မြင်ကြားနာရသောအခါ၊ အထင်နှင့် အမြင် ကွာနေသည်ကို တွေ့ရ၏။ ကျွန်တော်ထင်ထား သည်မှာ ကောလိပ်ကျောင်းသား ရုပ်ဖြောင့်ဂိုက်ကြ စကားပြောကောင်း ဟု ဖြစ်၏။ အယ်ဒီတာလည်း ဖြစ်သဖြင့် အတော်အထင်ကြီးထား၏။

တွေ့ရသော အခါ ရုပ်ကလည်းမဖြောင့်၊ စကားပြောကလည်း မပြေပြစ်၊ သို့ဖြစ်၍ စိတ်ထဲက မကျေနပ်၊ ထိုအခါ ကျွန်တော်မှာ အရွယ်နုနယ် သေး၍ စိတ်ကူးယဉ်ယဉ်ဖြင့်သာ အောင်ဆန်းကို ရုပ်ဖြောင့်စေချင် စကားပြော ကောင်းစေချင်နေ၏။ ထို့ကြောင့် စိတ်ထဲက မကျေနပ်။ နောက်တနှစ်ခန့် ကြာသောအခါ၊ ကျွန်တော်လည်း တက္ကသိုလ် ရောက်၍ နေသည်။ ကျွန်တော် တက္ကသိုလ်ရောက်သည့် ၁၉၃၇-၃၈ ခုနှစ်က ကိုအောင်ဆန်းသည် တက္ကသိုလ် သမဂ္ဂ တွင် ဒုတိယ ဥက္ကဌ၊ ဗမာနိုင်ငံလုံးဆိုင်ရာ ကျောင်းသားသမဂ္ဂ တွင် ဥက္ကဌ ဖြစ်၏။ ထိုအခါ ကျွန်တော်သည် ကိုအောင်ဆန်း နှင့်အသိဖြစ်လာ၏။ အသိသာ ဖြစ်ရုံသည် မရင်းနှီးခဲ့ပေ။ သူနှင့်ကား ရင်းနှီး၍ မဖြစ်၊ သူသည် ရင်းနှီး၍ ရသော လူစားမျိုးမဟုတ်။ နိုင်ငံရေး အတူတူ တွဲဘက်လုပ်လျှင်သာ သူနှင့်ရင်းနှီးမည် ဖြစ်၏။ တက္ကသိုလ်တွင် နေစဉ် ကျွန်တော်သည် သမဂ္ဂ နိုင်ငံရေး ကိုသာ တဘတ်သတ် မလိုက်၊ စာပေလည်း ဘတ်ချင်၏။ စာလည်း ရေးချင်၏။ ဂီတ ကိုလည်း လိုက်စားဘူး၏။သည်လို အစုံလုပ်ချင်သဖြင့် သူနှင့် မရင်းနှီး နိုင်ပေ။ သူကား နိုင်ငံရေး သမား သက်သက် ဖြစ်၏။ ကိုအောင်ဆန်း နှင့်ကျွန်တော်ကို သခင် ဗဟိန်း က အသိဖွဲ့ပေးခဲ့၏။ သို့သော် ကျွန်တော်သည် နိုင်ငံရေးသမား သက်သက် မဟုတ် သဖြင့် သူ၏ အသိထက် လွန်မြောက်၍ ရင်းနှီးသော အဖြစ်သို့ မရောက်သွားခဲ့ပေ။ သခင်ဗဟိန်းနှင့်ကား သည်လိုမဟုတ်။ သခင်ဗဟိန်းသည် ယဉ်ကျေးသိမ်မွေ့သူ ဖြစ်၏။ စာပေ ကဗျာလင်္ကာကို နှစ်သက်၏။ ဂီတကို ချစ်၏။ ထို့ကြောင့် ကျွန်တော်နှင့် ခဏပင် ရင်းနှီးချစ်ခင် ကာ ယခု သူကွန်မြူနစ် ဖြစ်နေသည့်ဘ၀ အထိပင် ရင်းနှီးချစ်ခင်ခြင်းကား မပျက်။ ကျွန်တော်ကား ခုခံရေးကိုလည်း မပြုသော နိုင်ငံရေးသမား လည်းမဟုတ်။ သို့သော်ချစ်ခင်ရင်းနှီး၏။ ကိုအောင်ဆန်းနှင့်ကား ဤသို့မဟုတ်။ ကျွန်တော် စာရေးဝါသနာ ပါသည် ကို ကိုအောင်ဆန်းသိ၏။ သို့ရာတွင် ကျွန်တော်ရေးခဲ့သော ဒဂုန်မဂ္ဂဇင်းမှ ရတုပိုဒ်စုံမှ စသော ကဗျာများ၊ ၀တ္ထုတို ဆောင်းပါး စသည့် စာပေများကို သူဘတ်ဘူးလိမ့်မည်မထင်။ ဂရုစိုက် ၍ ဘတ်မည့် လူမျိုးလည်း မဟုတ်။ သို့သော်တခါက သခင်ဗဟိန်း နှင့်အတူ သမဂ္ဂကော်မတီ ခန်းတွင် ပင်းယ မဂ္ဂဇင်းတွင် ပုံနှိ်ပ်ထားသော ကျွန်တော်၏ ဆောင်းပါးတခု ကိုကား ကျွန်တော်ရှေ့တွင် ဘတ်သည်ကို တွေ့ရဘူး၏။ ဘတ်ပြီးလျှင် ဝေဘန်ချက်ပေး၏။

ကိုအောင်ဆန်းသည် လည်း အင်္ဂလိပ်ဗမာ ဆောင်းပါးရှင် တဦးဖြစ်ပေသည်။ အင်္ဂလိပ်ဘာသာဖြင့်ရေးသော သူ၏ဆောင်းပါးများ ကို ဂန္တလောက မဂ္ဂဇင်း တွင် ဘတ်ရဘူး၏။ သူသည် ဗုဒ္ဓဘာသာ တရားတော် နှင့် ပတ်သတ်သော ဆောင်းပါးများကို ရေး၏။ ကျောင်းသားများ အ၀တ်အစား ဆင်ခြင်ရေးပြဿနာ ကိုလည်း၊ သူသည် ဂန္တလောက တွင် ပန်းတနော် ဦးသန့် နှင့် အပြန်အလှန်ရေးသည် ကို အမှတ်ရ၏။

ဗမာနိုင်ငံလုံးဆိုင်ရာ ကျောင်းသားများသမဂ္ဂ အသင်း၏ ကြွေးကြော်သံ ဖြစ်သော မျိုးညွန့်မဂ္ဂဇင်း တွင်ပါသော သူ၏ “လောက၀ိဟာ” အမည်ရှိ ဗမာဆောင်းပါတို ကလေးကိုကား ကျွန်တော် အတော်သဘောကျပါ၏။ ကမ္ဘာလောက ကြီးကို ပညာဗဟုသုတအမြင်တို့ကို ပေးသော စာသင်ကျောင်းနှင့် ဥပမာ တင်၍ ရေးထား၏။ ကိုအောင်ဆန်းသည် ဗမာစာရေး ညံ့သူမဟုတ်ပေ။ တိတိကျကျရေး၏။ ပါဌိကို မှန်ကန်စွာ သုံး၏။ တခါတရံ ဟာသဥာဏ် ပါ၏။ ပုသိမ်မြို့တွင် ကျင်းပသော ကျောင်းသားများ ညီလာခံ သူ၏ ဥက္ကဌ မိန့်ခွန်းတွင် ကင်းဘဲလ် အစီရင်ခံစာ ကို “ပညာရေးပူရာဏ် ကျမ်းကြီးပေ တကား …”ဟုပြောင်လှောင်ထားသည် မှာ သရော်ချက် (Irony) ပါ၏။ ကျောင်းမှ ထွက်ပြီး တို့ဗမာ အစည်းအရုံးသို့ ၀င်သွားသော အခါ၊ ငတ်ပြတ် လာ၍လား မပြောတတ်။ ဒဂုန်မဂ္ဂဇင်း တွင် ဆောင်းပါးရေးလိုကြောင်း ကျွန်တော်ကို ပြော၏။ ကျွန်တော်လည်း တိုက်ရှင်တို့နှင့် စီစဉ် ၍ လစဉ် ကိုအောင်ဆန်း ဆောင်းပါးများ ပါစေ၏။ ဒဂုန်မဂ္ဂဇင်းက ကိုအောင်ဆန်း ရေးသော ဆောင်းပါးများ အတွက် ငွေချီးမြှင့်၏။ သူရေးသော ဆောင်းပါးကား “နိုင်ငံရေးအမျိုးမျိုး” ဟူသော ဆောင်းပါးဖြစ်၏။ ဂရိ နိုင်ငံရေး က အစချီ၍ မျက်မှောက်ဗမာ့နိုင်ငံရေး အခြေအနေ အထိရေး၏။ စာပြောင်လှ၏။ ဘတ်လို့ကောင်း၏။ သူလည်း ဒဂုန်တွင် ကြာကြာ မရေးရ။ မကြာခင် ဂျပန်ပြည်သို့ ထွက်သွားသဖြင့် သူ့ဆောင်းပါးလည်း ရပ်၍ သွား၏။ အစိုးရ ကလည်း ညှိုးထား၍ လား မပြောတတ်။ ဒဂုန်မဂ္ဂဇင်း ထိုနှစ်မှာပင် ပိတ်ခြင်းခံရရှာ၏။ သမဂ္ဂဥက္ကဌ ဖြစ်သော ၁၉၃၈-၃၉ နှစ် က သူသည် ဘီအယ်လ်တန်းတွင် ရှိ၍၊ ပဲခူးကျောင်းဆောင် အလယ် ထပ်တွင် နေသည်။ အခန်းသည် သပ်ယပ်ခြင်း ကင်းမဲ့၏။ သူ၏ အခန်းတွင် စာအုပ်များ ပြည့် နှက်၍ နေသည်။ စာအုပ်များသည် စာပွဲပေါ်တချို့၊ ကြမ်းပေါ်တွင် တချို့ ပြန့်ကြဲကာ ရုန်းရင်းဆန်ခတ် ဖြစ်၍ နေကြ၏။ သူသည် အင်မတန် စာဘတ်သူ တယောက် ဖြစ်၏။

သူသည် ဒေါသကြီးသူ တဦးဖြစ်၏။ သည်လို အများက ထင်၏။ ကျွန်တော်အဘို့ကား ဒေါသကြီးသည် မကြီးသည် ကိုကားမသိ သူ့တွင် စိတ်လိုက်မာန်ပါစိတ် (Emotionalism) တွေရှိသည် ဟု ကျွန်တော်ထင်၏။ နှစ်ကိုကား အသေအချာ မမှတ်မိတော့၊ သပိတ်မှောက် နှစ်လည် အထိမ်းအမှတ်ပွဲ တခု တက္ကသိုလ် သမဂ္ဂတွင် ကျင်းပ၏။ ပရိဿတ် ထဲမှ ထ၍ ဝေဘန် စကားများ ထပြောကြ၏။ သို့ပြောကြသည့် အထဲတွင် စစ်ကိုင်းကျောင်းဆောင်မှ ကုလားကျောင်းသား တဦးက ဥက္ကဌဟောင်း မစ္စတာရာရှစ် ကိုဝေဖန်ရာ၌ အတော်ထိခိုက် သော အပြစ်တွေကို ထုတ်ဖော်ပြော၏။ ကုလားကျောင်းသား ပြောသည့်စကားများ အခြေခိုင်သည် မခိုင် သည်ကိုကား မမှတ်မိတော့။ ကိုအောင်ဆန်းသည် မစ္စတာရာရှစ် အတွက် ဒေါပွကာ၊ ထိုကုလားကို ကြိမ်းမောင်း၍ ရဲရင်ထွက် စသည့်အသုံးမျိုးသုံး၏။ လက်သီးဆုပ်ကာကုလားအပါးသို့တိုး၍သွား၏။ ဘေးက ကျောင်းသားများ ၀ိုင်း၍ ဆွဲထားရ၏။ သူသည် ဒေါသကြောင့် ဆတ်ဆတ် တုံလျက်ရှိသည်။

ကုလားဗမာ အဓိကရုဏ်း အပြီး ဒေါက်တာ ဘမော်၏ တက္ကသိုလ်ဥပဒေ ပြင်ဆင်ရေး အဆိုကြမ်းကို သမဂ္ဂ က ငြင်းပယ်လိုက် ပေသည် ကိစ္စ နှင့်ပတ်သတ်၍ (အိုးဝေ) ညိုမြ အမှုးရှိ သော ကျောင်းသားတစု က မကျေနပ်သဖြင့် သမဂ္ဂကို အယုံအကြည်မရှိ အဆိုတင်သွင်း၏။ ထိုအစည်းအဝေး ၌ ကိုအောင်ဆန်း ညိုမြကို ဒေါပွကာ၊ ဥက္ကဌ ထိုင်ခုံမှ နေ၍ ညိုမြ အတင်းကို အတော်ပြောလိုက်၏။ သည်လို စိတ်လိုက်မာန်ပါ ပြောပြီး နောက်တပတ်လောက် ကြာသော အခါ၊ ထိုနေ့က အောင်ဆန်းက ညိုမြ အား ရှုံ့ချပါသော စကားများကို ရုပ်သိမ်းလိုက်ကြောင်း၊ ကြော်ငြာစာကို တက္ကသိုလ်ကျောင်းဆောင် အသီးသီးတွင် ထွက်ပေါ်၍ လာ၏။ တက္ကသိုလ် တွင်ရှိစဉ်က ကိုအောင်ဆန်းသည် ပြုံးသော မျက်နှာကို ထားခဲ၏။ သူ၏မျက်နှာထား သည် သုန်မှုန်၏။ တခါတွေ့ဘူးသော သူကို နောက်တခါတွေ့လျှင် နှုတ်ဆက်ခြင်မှ ဆက်၏။ သူ့ ကို သိသူ က ပြုံးပြသော်လည်း သူသည် တုံ့ပြန်၍ ပြုံးချင်မှ ပြုံး၏။ ဥက္ကဌ ဖြစ်၍ သူ့ကိုကား ကျောင်းသားတိုင်း က သိကြ၏။ သူကလည်း အစဉ်လိုလို နိုင်ငံရေးသား တွေးနေဟန်တူ၏။ ဗမာပြည်၏ လွတ်လပ်ရေးအတွက် စိတ်ပူပုံ ရ၏။ ထိုကြောင့် သူသည် သုန်မှုန်လျက်နေသည်။ သူစကားပြောလျှင် လည်း နိုင်ငံရေးအကြောင်းကိုသာ ပြောသည်။ သူပြောနေစဉ် ဘေးရှိလူများ က နားထောင်နေရသည်။ ဘေးကလူများ ၏ စကား ကိုသူမကြား၊ သူပြောချင် တာတွေကိုသာ စွတ်ပြော၍ နေတတ်သည်။

တခါက ရန်ကုန်ကို ဂျပန်တို့သိမ်းပိုက်စ အချိန် ၀ိတိုရိယရိပ်သာရှိ အိမ်တအိမ်တွင် သခင်မြနှင့် ရဲဘော်များ နေထိုင်လျက် ရှိကြသည်။ ကျွန်တော်မှာလည်း တောက ရောက်ခါစ ဖြစ်၏။ ဧည့်ခန်းရှိ စန္ဒယားတွင် ကျွန်တော်က ထိုင် ကာတီးနေ၏။ ဘေးမှ သခင်စံဝေ နှင့် တက္ကသိုလ်ကျောင်းသား အချို့က ၀ိုင်း၍ သီချင်း လိုက် ဆိုလျက် ရှိ၏။ ဘီ-အိုင်-အေ သမားများမှာ၊ ဂီတ အင်မတန်ငတ်နေ၍ သီချင်းသံကို တောင့်တ နေသဖြင့် အတင်းတီးခိုင်းကြ၏။ စန္ဒယားမှာ အသံတွေပျက်၍ နေ၏။ “ချစ်ခင်မှာလား ကြင်မှာလား…ခင်ခင်ရယ်… ချစ်သဲနွယ် အဟုတ်ကို ချစ်တော့မယ်၊ ခင်ရယ်..ကြင်မယ်…..”၀ိုင်း၍ ဆိုနေကြရာမှ သည်နေရာသို့ ရောက်သောအခါ ကိုအောင်ဆန်းသည် ဂေါက်ဂေါက်ဂေါက် နှင့် တဘက်မှ ရှောက်လာခါ စန္ဒယား အပါးတွင် လက်ထောက်ခါရပ်လျက်” ဟေ့- ရပ်ကြ၊ ခုလိုအခါမျိုးမှာ ရဲစိတ်ရဲမာန် တက်စေမည့် ရဲတင်းသံတွေကိုသာ ဆိုရတယ်ဗျ။ ဒီ-ချစ်မယ် ကြင်မယ် သီချင်းမျိုးက မဟန်ဘူး” ရုတ်တရက် ကြောင်၍ စန္ဒယား ကိုခေတ္တ ရပ်လိုက်၏။သူသည် သူပြောချင်တာ ပြောပြီး၍ ထွက်သွားသော အခါ ကျွန်တော်တို့လည်း ဆက်၍ သီဆိုခါ ကျန်ရစ်ခဲ့ကြသည်။ သူကား သည်လို လူစားမျိုး။

သမဂ္ဂ ဥက္ကဌ ကိုလှမောင် (ယခု ဆိုရှယ်လစ် ပါတီဝင်၏) လက်ထပ်ပွဲသည် ဘီအိုင်အေ ခေတ် ရွှေတောင်ကြား တွင် လုပ်၏။ သူ၏လက်ထပ်ပွဲသည် ဘီအိုင်အေ သမားများ တွင် ပထမဆုံးဖြစ်၏။ လက်ထပ်ပွဲပြီးသော အခါ ဧည့်ခန်းဆောင်တွင် မိတ်ဆွေများ စုရုံးကာ နေကြ ၏။ ကြေးစား စန္ဒယားဆရာ တဦးက တီးခါ ဖျော်ဖြေလျက် ရှိ၏။ သည်အတွင်း ကိုအောင်ဆန်း သည် စန္ဒယားဆရာ ကို ရပ်စေခါ ကျွန်တော့်ကို လူကြားထဲမှ အတင်းဆွဲ ခေါ်၍ သီချင်းတပုဒ် ကိုတီးစေ၏။ သူသည် စန္ဒယား ကိုလက်ထောက်ခါ မရတရဖြင့်လိုက်ဆို၏။ တီးသော သီချင်းမှာ “ကဉ္စန” သီချင်းပင် ဖြစ်၏။ တေးဆုံးလျှင် လက်ခုတ်တီးကာ နောက်တပုဒ် တီးခိုင်းပြန်၏။ တခါက ဂျပန်ခေတ် ၀န်ကြီးတဦး၏ ထမင်းစားပွဲတွင် သူလာ၏။ ထမင်းစားပွဲ စမည် ပြုသောအခါ သူ့ကို စစ်သေနာပတိ ဟု အားလုံးက လေးစားသော အားဖြင့် ထမင်းစား ခန်းကြီးထဲသို့ သူ့ကို အရင်ဝင်စေ၏။ အခြား ဧည့်သည်များ က အ၀တွင် ရပ်၍ သူ့အ၀င်ကို စောင့်လျက်နေကြ၏။ သူသည် စစ်ဝတ်စစ်စား နှင့် ၀င်လာခါ ရုတ်တရက် စားပွဲထိပ် ကုလားထိုင်တွင် ၀င်ထိုင်လိုက်ပြီး၊ ဇတ်ကနဲ ဘယာကြော် တတုံးကို ယူခါစားလိုက်၏။ သူထမင်း စားနေစဉ် ဧည့်သည် ၀င်လာလို့လည်း ဗမာ့ဧည့်ဝတ် ထုံးစံအရ ထမင်းစားပါအုံးလား ဟု ခေါ်ချင်မှခေါ်သော လူစားမျိုးဖြစ်၏။ ဒါတွေကြောင့်လည်း သူ့ကို မိတ်ဆွေရင်းများ က ကြောင်သည် ဟု အမှတ်ထားကြ၏။ သူ့တွင် သိမ်မွေ့ခြင်းမရှိ၊ အလှအပ ကို သူမမက်မော၊ သူသည် ကြမ်းတမ်းသည်၊ ရိုင်းသည်၊ ဆက်ဆံပေါင်းသင်းရေးတွင် ရှိသော ဧည့်ဝတ်ထုံးစံ ယဉ်ကျေးခြင်း စသည်တို့ကို သူသည် လုံးဝဂရုမစိုက်၊ ဂီတ၊ပန်းချီ၊ သဘင် စသော အနုပညာရပ်များ ကိုမလိုက်စား။ သူ့ကိုယ်သူ အတင်းယဉ်ကျေးအောင် မလုပ်၊ သူ၏ နဂိုရ် အတိုင်း ခပ်ရိုင်းရိုင်း ခပ်ကြမ်းကြမ်းပင် မပြုပြင်ဘဲနေ၏။
သူတွင် နိုင်ငံရေးဝိညာဉ်ကား ပြင်းထန်လှချေ၏။ သူသည် နိုင်ငံရေး ကိုသာ တခုတည်း လုပ်သော လူတဦး ဖြစ်၏။ သူသည် ရိုင်း၏။ ကြမ်း၏။ ကြောင်၏။ ကိစ္စမရှိ။ သူသည် ဧည့်ခန်း ဆောင်မှ ဂုဏ်သရေရှိ လူကြီး လူကောင်း မဟုတ်။ တခုတည်းသော ယုံကြည်ချက် နှင့်တခုတည်း ကို သာ လုပ်သော နိုင်ငံရေးသတ္တ၀ါ ဖြစ်၏။ ထို့ကြောင့် ကိစ္စမရှိ။ ၁၉၄၂ – ခုနှစ်တွင် သူနှင့်နောက်ဆုံးတွေ့၏။ သူသည် အတတ်ပညာ (Art) အကြောင်း ကိုပြောပြ၏။ “အတတ်ပညာ ဆိုတာ ရှိတာဘဲ။ လင်မယား ဘ၀မှာလဲ အတတ်ပညာ မြောက်အောင် လုပ်ရတာဘဲ။ အတတ်ပညာမဲ့ရင် လင်မယားကွဲမှာပေါ့။ ဒီလိုဘဲ တော်လှန်ရေးမှာလဲ အတတ်ပညာ ရှိတာဘဲ။ အတတ်ပညာ မြောက်မှ တော်လှန်ရေးဟာလဲ တကဲ့တော်လှန်ရေး အစစ်ဘဲ”။ သည့်နောက် သူနှင့်ကျွန်တော် မတွေ့တော့၊ တွေ့ဆုံဘို့လည်း အကြောင်းမရှိ။ အကြောင်းမရှိဘဲ သူ့ဆီသွားလည် ကလည်း ဖေါ်ဖေါ်ရွေရွေ လောကွတ်ပြှူဌာ ခေါ်မည့် လူစား မျိုးမဟုတ်။ တခါက ဗိုလ်ချုပ်ဘ၀ တွင် မော်တော်ကားကြီးထဲ၌ သူ၏ ဇနီးခလေးများနှင့် တဗြုံကြီး ကို မြင်လိုက်၏။ အော် သားနဲ့ မယားနဲ့ မို့ လူစိတ်တော်တော်ပေါက်လာပြီ။ အရင်ကလို “ကြောင်” တော့မည် မဟုတ်။ အကြမ်းအရိုင်း မှ ယဉ်ကျေးလာတော့မည် ဟုအောက်မေ့ လိုက်၏။ မှန် မမှန်ကား မပြောတတ်။ ဖ-ဆ-ပ-လ ဥက္ကဌ အမျိုးသား ခေါင်းဆောင် ဦးအောင်ဆန်း ကိုကား ကျွန်တော် မသိ။ သူ၏နိုင်ငံရေး ကို ဝေဘန်ခြင်းမဟုတ်။ သူ၏ လူအဖြစ်သာ ကျွန်တော်သိသည် ကို ပြောပြခြင်း ဖြစ်ပေ သည်။ တခုတော့ထင်သည်။ သူသည် လူထုမှ လူတဦး ဖြစ်၍ လူထုနှင့် ဆက်စပ်နေ၍ လူထုခေါင်းဆောင် ဖြစ်လာရသည် ဖြစ်လိမ့်မည်။

-မောင်လူအေး-

အမျိုးသမီးများအခွင့်အရေးကိုတောင်းဆိုသံတွေဟာအခုမှအသစ်ပေါ်လာတဲ့တောင်းဆိုသံတွေမဟုက်ပါဘူး။ဆယ်ရှစ်ရာစုအတွင်းက ဗြိတိသျ အမျိုးသမီးတဦးဖြစ်တဲ့မေရီဝူးလ်စတုံးခရက်ဖ်က   ”အမျိုးသမီးများအခွင့်အရေး များမှန်ကန်ကြောင်း သက်သေပြချက် ” A Vindication  of the right of women (1792)       ဆိုတဲ့စာအုပ်ကိုရေးခဲ့တယ်။အဲဒီစာအုပ်ဟာအမျိုးသမီးများရဲ့အခြေအနေနဲ့ပတ်သက်ပြီးပထမဆုံးသောအသိဥာဏ်ပညာပွင့်လင်းတဲ့အမြင်တွေထွက်ပေါ်လာစေတဲ့စာအုပ်ဖြစ်တယ်။ အမျိုးသမီးများလှုပ်ရှားမှုဟာ အဲဒီကနိုင်ငံရေး အင်းအားအဖြစ် ကြီးထွားလာတဲ့ အတွက်လှုပ်ရှားမှုအတွင်း မှာကွဲပြားတဲ့ ဦးတည်ချက်တွေ အဖြစ်ဖြစ်ပေါ် ပြောင်းလဲ လာခဲ့သည်။

u အစွန်းရောက်အမျိုးသမီးဝါဒီများ (Radical Feminists) ပြသ နာကို ယောကျာင်္းက အရာရာကို ချုပ်ကိုင်တဲ့ စနစ်လို့မြင်တယ်။စနစ်တခုလုံးရဲ့ အမျိုးသမီးများအပေါ် အမျိုးသားများရဲ့အာဏာလွမ်းမိုးခြင်း ဖြစ်တယ်။ ယောကျာင်္း အုပ်ချုပ်သူများ ၊ ယောကျာင်္းစစ်တပ် စက်မှုလုပ်ငန်းများ၊ နိုင်ငံရေး၊ ဘာသာရေး ၊ အဖွဲ့အစည်းများ၊ ယောကျာင်္းကုန်သွယ်ရေးသမဂ္ဂများ၊ ယောကျာင်္းလွမ်းတဲ့ လက်ဝဲ၀ါဒီများ၊ အားလုံးဟာ ယောကျာင်္းများကချုပ်ကိုင်တဲ့ စနစ်ရဲ့ အပိုင်းတွေဖြစ်ပါတယ်။ ယောကျာင်္းတွေကအရာရာကိုချုပ်ကိုင်အောင်ဒီစနစ်ကအားဖြည့်ပါတယ်။အားဖြည့်ခြင်း ခံနေရသည့်  မိသားစုအတွင်းရှိ ယောကျာင်္းတစ်ယောက်ချင်းဆီက မိန်းမများနဲ့ကလေးများအပေါ် လွမ်းမိုးချုပ်ကိုင်ခြင်း လို့မြင်တယ်။အစွန်ရောက် အမျိုးသမီးများ ၀ါဒီများက  အမျိုးသမီးများကို စညးရုံးဆော်သြခြင်းတွေ ၊ ဆန္ဒပြပွဲတွေကို လုပ်ဖို့ ။အမျိုးသမီးများရဲ့ နေရာနဲ့ အမျိုးသမီးများရဲ့ ယဉ်ကျေးမှု တစ်ခုတည်ထောင်ဖို့ကို ဖိအားပေးပြောဆိုနေကြပါတ ယ်။

u အလယ်အလက်လမ်းစဉ် အမျိူးသမီးဝါဒီများ (Liberal Feminists) ပြသနာကို ဘက်လိုက်ခြင်း ၊ စွဲ လန်းခြင်းအဖြစ်မြင်တယ်၊ ဒီစနစ်ကိုပြုပြင်ဖို့လိုအပ်သည်။ ပြောင်းပြန်လှန်စရာမလိုဘူး၊ အမျိုးသမီးများတန်းတူ ညီတူအခွင့်အရေး ရ ရေးအတွက် ဥပဒေပြဌာန်းခြင်း ပိုလုပ်ဖို့လိုအပ်သည်။ မိန်ကလေးများကိုယ် ကိုကိုယ် ယုံကြည်စိတ်ချမှု ရလာရေးအတွက် အကောင်ဘက်ဆောင်တဲ့ စံနမူနာကောင်းများ ပိုမိုလိုအပ်တယ်လို့ ယူဆသည်။ အလည်အလက်လမ်းစဉ်အမျိုးသမီးစ၀ါဒီများက အစိုးရများကိုအမျိုးသမီးရေး လိုလားထောက်ခံတဲ့ ပြုပြင်ပြောင်းလဲရေးတွေ လုပ်ပေးဖို့တရားစွယ်ကြတယ်။ ဆုံးဖြတ်ချက်ချ မှတ်တဲ့ သူများအပေါ် သြဇာလွမ်းမိုးလာအောင်ကြိုးစား ဆောင်ရွက်သည်။ဒီအယူအဆတွေရဲ့ လက်တွေ့ ကျင့်သုံးပုံတွေကို ဥပမာ ပြောရမယ်ဆိုရင် စစ်ဖြစ်ပွားတယ်ဆိုပါဆို့—-အစွန်းရာက်အမျိးသမီးဝါဒီများက စစ်ကိုရပ်တန့်ဖို့ ၊ လူအဖွဲ့စည်းကို ပြောင်းလဲဖို့ကြိုးစားကြသည်။အလယ်အလက် လမ်းစဉ်ကျ အမျိုးသမီးဝါဒီများက စစ်ပွဲမှာယောကျာင်္းရော မိန်းမရော တန်းတူ ညီတူ တိုက်ဖို့ အစိုးရများကို အခွင့်အရေးများကိုတောင်းဆိုကြသည်။

u ဆိုရှယ်လစ်အမျိုးသမီးဝါဒီများ (Socialist feminists) ပြသနာကို ယောကျာင်္းများသြဇာလွမ်းမိုးခြင်းနှင့် လူတန်းစားခွဲခြားခေါင်း ပုံဖြတ် ခြင်း တို့ပေါင်းစပ်လို့ ဖြစ်ပေါ်လာတဲ့ ပြသနာလို့မြင်သည်။ သြဇာအာဏာအနေနဲ့ ဓနဥစ္စာကို လူနည်းစုကထိန်းချုပ်နေသမျှကာလပတ်လုံး တကယ့်လွတ်မြောက်ရေးရဖို့ မဖြစ်နိုင် ။အမျိုးသမီးဝါဒီတွေက နယ်ချဲ့ဆန့်ကျင်ရေးလှုပ်ရှားမှု ၊အလုပ်သမားအစည်းအရုံးများ၊ လက်ဝဲ၀ါဒီ နိုင်ငံရေးပါတီများ ဖြစ်တဲ့အခြားသော အဖိနှိပ်ခံအုပ်စုများနှင့် လူတန်းစားအသီးသီးမဟာမိတ်ဖွဲခြင်းကို အလေးပေးလုပ်ဆောင်သည်။အမျိုးသမီးရေးရာဝါဒလှုပ်ရှားမှုရဲ့အနှစ်အဓိပါယ်နဲ့အရေးပါမှုတွေ ၊ဒါအပြင် လိင်ကွဲပြားကြောင့်ဖနှိပ်ခံရခြင်း က ကိုယ်နဲ့ကိုယ့်မိသားစု ဆက်ဆံရေးအပေါ်မှာ ထင်ဟက်အားဖြည့်နေတဲ့ ကြောင်းတွေနဲ့ပါတ်သတ်ပြီး အမျိုးသမီးလွတ်မြောက်ရေး လှုပ်ရှားမှု များနဲ့အဖွဲ့အစည်းများရဲ့တည်ဆောက်မှု ဘောင်အတွင်းမှာရောဖြစ်သည်။ မဟာမိတ်အဖွဲ့အစည်းများက တိုးတက်တဲ့အမြင်ရှိ သူများအမျိုးသားများနဲ့ အမြဲတမ်းဆွေးနွေးပြောဆိုခြင်းများဖြစ်သည်။1960 ပြည့်လွန် နှစ်နောက်ပိုင်းလူမှုရေးဆန့်ကျင်လှုပ်ရှားမှုတွေ ၊ဗီယမ်နမ် စစ်ဆန့်ကျင်ရေး လှုပ်ရှားမှုများကနေ ထွက်ပေါ်လာတဲ့အတိုင်း အမျိုးသမီးလှုပ်ရှားမှုတွေမှာဆို ရှယ်လစ် အမျိုးသမီးရေးရာဝါဒီများက သြဇာလွမ်းမိုးခဲ့သည်။ ၁၉၇၀ ပြည့်နှစ်လွန်နှစ်ဆုံးပိုင်းမှာတော့ အစွန်းရောက်အမျိုးသမီးဝါဒီများက ပိုပြီးသြဇာလွမ်းမိုးတာတွေ့ရသည်။

၁၉၉၀ ပြည့်လွန်နှစ်များကအစ အခုထိဆက်တိုက်ဆိုသလို အမျိုးသမီးရေးရာလှုပ်ရှား မှု (၃)ခုစလုံးရဲ့အားသာချက် ၊အားနည်းချက်တွေကို အသိအမှတ်ပြူပြီး အားလုံးပေါင်စပ်ဖွဲ့စည်းထားတဲ့ လှုပ်ရှားမှုတခုအဖြစ် အနေအထားအမျိုးမျိုးကနေ ကြီးထွားလာပြီး အမျိုးသမီးရေးရာဝါဒများဟာ စစ်မက်ရေးရာဝါဒများ ၊ အာဏာများကိုလေးစားတဲ့ဝါဒ နဲ့ မတရားအုပ်ချုပ်မင်းလုပ်ခြင်းများကို ဆန့်ကျင်တဲ့လူ့အခွင့်ရေးလှုပ်ရှားမှု ရဲ့  မဟာမိတ်လှုပ်ရှားမှုအဖြစ်မြင်လာသည်။

Friday, January 16, 2009

ကျနော်မရေးနိုင်ခဲ့တဲ့ကိစ္စတရပ်
ရေးသူ- ဖိုးသံ(လူထု)

ဒီကိစ္စကို ကျနော် အခုတော့ ရေးလို့ရပါပြီ။
၁၉၇၈ ခုနှစ်မှာ ကျနော့်အဖေ၊ အမေနဲ့ညီ၊ သုံးယောက်စလုံး အဖမ်းခံရတုန်းက အဖေနဲ့ ဘိုညိုကို အရင်လွှတ်ပြီး အမေ့ကို နောက်ဆုံးမှ အချိန်အတော်ကြာ ချန်ပြီးလွှတ်တယ်။ အဲဒါ ဘာလို့လဲလို့ ကျနော့်ကိုမေးတာ မကြာခဏကြုံရပါတယ်။ ဆွေရင်း မိတ်ရင်းတွေထဲက မေးကြတာတောင် ရှိပါတယ်။ ဒါပေမဲ့ ကျနော့်မှာ ထောက်ထားစရာတွေ ရှိနေလို့ ဘယ်သူ့ကိုမှ ပြောမပြခဲ့ပါဘူး။ အခုတော့ အမေကွယ်လွန်သွားပြီမို့ ကျနော်ရေးနိုင် သွားပါပြီ။

၁၉၇၆ ခုနှစ်၊ သြဂုတ်လ ၃ဝရက်နေ၊ ကျနော့်ကိုလာဖမ်းတဲ့နေ့မှာပါ။ မှတ်မိသလောက် ဆိုရင် အဲဒါ တနင်္ဂနွေနေ့ကြီးပါ။ မန္တလေး ဗထူးအားကစားကွင်းမှာ မြို့မအသင်းနဲ့ ရဲအသင်း တို့ ကစားမယ့်နေ့ပါ။ ပွဲကလည်း ပွဲကောင်းဖြစ်လို့တကြောင်း၊ ကိုယ်တိုင်ကလည်း မြို့မ ဘော့လုံးအသင်းသားဟောင်း ဖြစ်ရုံမက မြို့မအသင်းကို ကမကထ ပြုသူ၊ ဦးစီးသူတွေ အားလုံးဟာ ကျနော့်မိဘများနဲ့ မကင်းသူတွေ ဖြစ်နေလို့ကတကြောင်း ကျနော်က အဲဒီ ဘော့လုံးပွဲကို သွားကြည့်ဖို့ အားခဲထားပါတယ်။ သူများတွေနဲ့ အဖော်တောင် ညှိထား ပါသေးတယ်။
နေ့လည် ၂နာရီ၊ ၃နာရီ လောက်ထင်ပါရဲ့ ကျနော်အိမ်သာတက်နေတုန်းမှာ ကျနော်တို့အိမ်မှာ ကားမောင်းတဲ့ ကိုအေးက ကျနော့်ကို အပြင်ကနေ တံခါးပုတ်ပြီး ခေါ်ပါတယ်။ ကျနော်ထွက်လာတော့ “ခင်ဗျားကို ခင်ဗျားအမေက ခေါ်နေတယ်၊ အောက်ကို ဆင်းလာခဲ့ပါတဲ့” လို့ဆိုတာနဲ့ ချက်ခြင်း သူ့နောက်က လိုက်သွားပါတယ်။ အောက်ရောက်တော့ ဧည့်ခန်းထဲမှာ အဖေရယ်-အမေရယ်၊ ရပ်ကွက်ထဲကလူကြီး ၃-၄ယောက်ရယ်၊ တခါမှမတွေ့ဖူးတဲ့ မျက်နှာထားတင်းတင်းနဲ့ လူတချို့ရယ် ထိုင်နေ ကြတာကို တွေ့ရပါတယ်။ အဖေနဲ့အမေကလည်း မျက်နှာမသာကြပါဘူး။ ဒါနဲ့ ကျနော်လည်း အခြေအနေကို ချက်ခြင်းရိပ်မိလိုက်ပါတယ်။ ကျနော်ရောက်တော့ ကျနော့်အဖေက ကျနော့်ကို- “ငါ့သားအခန်းကို နည်းနည်းရှာချင်လို့တဲ့” လို့ပြောပါတယ်။ အဖေပြောပြီးတာနဲ့ပဲ အဲဒီလူတွေ အားလုံး မတ်တပ်ထရပ် လိုက်ကြပါတယ်။ ကျနော်က နောက်ပြန်လှည့်လိုက်တာနဲ့ အားလုံးအပေါ်တက်တဲ့ လှေကားဆီ ထွက်လာကြပါတယ်။ အိမ်သားတွေပါပေါင်းရင် ၁ဝ ယေက်လောက် လူအုပ်ကြီးပါ။ လှေကားပေါ်တက်ရင်း တယောက်က ကျနော့်ကို “ပြီးရင်မေးချင်မြန်းချင်တာလေးတေရှိလို့ ကျနော်တို့နဲ့ လိုက်ရအောင် အိပ်ရာလိပ်နဲ့ အဝတ်အစားလည်း ပြင်ပါ” လို့ပြောပါတယ်။ ကျနော်နဲ့ အမေက အတူတူ တက်လာတာမို့ အမေ့ကို ပြောတဲ့သဘောလည်း ဆောင်နေပါတယ်။
အဲဒီနောက်တော့ သူတို့ ကျနော့်အခန်းထဲမှာ ရှာကြတော့တာပါပဲ။ နို့ပေမဲ့အလွန်ကြီး ရုပ်ပျက်ဆင်းပျက် ရှာတာမျိုး မဟုတ်ပါဘူး။ ကြည့်ရတာ တခုခုကို အတိအကျ သတင်းရထားလို့ ရှာတာ ဟုတ်ဟန်မတူပါဘူး။ ကျနော်နဲ့အမေက အခန်းအပြင် တံခါးဝနားမှာ ရပ်နေပါတယ်။ အဲဒီတုန်းက ကျနော့်ညီ ဘိုညိုအိမ်မှာ မရှိပါဘူး။ ခရီးသွားနေပါတယ်။ ကျနော့်အမနဲ့ နှမတို့ ရှိကြပါတယ်။ သူတို့လည်းပဲ ကျနော့်အနားမှာ ရှိကြပါတယ်။ ကျနော့်အဖေကတော့ အောက်ကဧည့်ခန်းထဲမှာ လာဖမ်းတဲ့ ထောက်လှမ်းရေးဗိုလ်မှူးကို ဧည့်ခံစကားပြောနေခဲ့တယ်လို့ ယူဆရပါတယ်။ ကျနော့် အပါးမှာ ရပ်နေတဲ့ နောက်တယောက်ကတော့ လာဖမ်းတဲ့ ထောက်လှမ်းရေးကလူပါ။ အသက် ၂ဝ နဲ့ ၃ဝကြား လောက်ရှိပါမယ်။ သူ့ခါးက ပုဆိုးထဲမှာ သေနတ်အတိုတလက်ကို ထိုးထားပါတယ်။ သူတို့ လှန်လှောရှာနေတာကို ကြည့်ရင်းကျနော်က မင်မပျက် မောင်းမပျက် အမေ့နားကိုကပ်ပြီး “ကျနော်ပြေးမှဖြစ်မယ်” (I must flee) လို့ အင်္ဂလိပ်လို ပြောလိုက်ပါတယ်။ အနားက ထောက်လှမ်းရေးငနဲဟာ ဘာမှ ဂရုမထားတဲ့ ဟန်နဲ့ ရှာဖွေနေတဲ့ လူတွေဆီကိုပဲ ကြည့်နေပါတယ်။ ကျနော်တို့ ပြောတာကို သူနားမလည်တာ အမှန်ပါပဲ။ ဒီတော့အမေက “သူတို့မှာသေနတ်တွေပါတယ်” (They have guns) လို့ပြန်ပြောပါတယ်။ ဒီတော့ကျနော်က “ကျနော်သိတယ်၊ ဒါပေမဲ့ ဘယ်လိုပဲဖြစ်ဖြစ် ကျနော်တော့ ပြေးမှဖြစ်မယ်” (Yes, I know, But Imust flee at all cost) လို့ ထပ်ပြောလိုက်ပါတယ်။ သားအမိချင်းပြောတာဆိုတော့ ဒါလောက်ဆို လုံလောက်ပါပြီ။ ပြောလို့သာ ပြောတယ် ကျနော်နဂိုက စဉ်းစားထားတဲ့ ထွက်ပြေးတဲ့နည်းလမ်းတွေက ပိတ်နေသလောက် ဖြစ်နေပါတယ်။ ကျနော်ပြင်ထားတာက ၁၉၆၆ ခုနှစ်တုန်းက ကျနော့်ကို ဖမ်းသလို ညမှာ ဖမ်းလာခဲ့ရင်၊ ကျနော်က လက်ဦးခဲ့ရင် ဆိုတာမျိုးတွေပါ။ အခုတော့ အိမ်သာထဲရောက် နေတဲ့လူဟာ ဘယ်လိုမှ လက်မဦးနိုင်ပါဘူး။
အဲဒီနောက်မှာ ကျနော့်အခန်းထဲက သိမ်းယူတဲ့ စာအုပ်တွေနဲ့အတူ ကျနော့်ကို အောက်ထပ်ကို ခေါ်သွားပါတယ်။ ခုနက ဧည့်ခန်းဆီ ပြန်ခေါ်သွားတာ ဖြစ်ပါတယ်။ အဆင်းမှာ ကျနော်က အမေ့နားကပ်ပြီး ကျနော်တို့တိုက်ရဲ့ တောင်ဘက်က တံခါးပေါက်ကို ဖွင့်ထားပေးဖို့ ပြောလိုက်ပါတယ်။ ကျနော်တို့ အိမ်က ဂ၄လမ်းနဲ့ ၃၃လမ်းထောင့်မှာဆိုတော့ နှစ်မျက်နှာရှိတဲ့ အဆောက်အဦလိုဖြစ် နေပါတယ်။ အနောက်ဖက်မျက်နှာမှာ အဓိက တံခါးပေါက်ကြီးဖြစ်ပြီး တောင်ဖက်မျက်နှာစာမှာတော့ တံခါးပေါက် သေးသေးတခုနဲ့ ကားဂိုဒေါင် ရှိပါတယ်။ အဲဒီအချိန်က အဲဒီတခါးပေါက်ဟာ အဝင်အထွက် မရှိသလောက် နီးပါးမို့ ဘာဂျာတံခါးကို အမြဲလိုလို ကြေးဝါသော့ခလောက်ကြီးတလုံးနဲ့ ခတ်ထားပါတယ်။ နောက်ပြီး အဲဒီသော့ဟာ အမေ့ဆီမှာပဲ ရှိပါတယ်။
အောက်ပြန်ရောက်တော့ သူတို့က နဂိုနေရာတွေမှာ ပြန်ဝင်ထိုင်ကြပြီး ကျနော့်ကို ဧည့်ခန်းအဝင် တံခါးပေါက်မှာ ထိုင်စေပါတယ်။ ခုနက ထောက်လှမ်းရေးက လူက ကျနော့်ဘေးမှာ ကပ်လျက်ထိုင်ပါတယ်။ အခန်းလယ်မှာတော့ ရပ်ကွက်လူကြီးတွေဟာ ကျနော့် အခန်းထဲက သိမ်းလာတဲ့ပစ္စည်းတွေ (အများအားဖြင့်စာအုပ်တွေ) ကို စာရင်းပြု နေပါတယ်။ ကျန်တဲ့လူတွေကတော့ ထိုင်ကြည့်နေ ကြပါတယ်။ စာအုပ်တွေထဲမှာ မော်စီတုန်း လက်ရွေးစင်ကျမ်းတွေ ပါပါတယ်။
ဒီနေရာမှာ အခန်းဖွဲ့စည်းပုံကို နည်းနည်းပြောဖို့လိုပါတယ်။ ကျနော်တို့ အိမ်အပေါ်ကို တက်တဲ့ လှေကားဟာ အဖေ့အလုပ်ခန်းထဲမှာ ရှိပါတယ်။ အဖေ့အလုပ်ခန်းနဲ့ ဧည့်ခန်းက ကပ်လျက်၊ ဆက်လျက်ပါ။ အကြားမှာ နံရံတခုနဲ့ တံခါးပေါက်တခု ရှိပါတယ်။ အဖေ့ အလုပ်ခန်းရဲ့ တဖက်မှာက အခန်းငယ်တခုရှိပြီး နောက်ဖေးပေါက်က အဲဒီအခန်းကနေ ထွက်ရတာ ဖြစ်ပါတယ်။ နောက်ပြီး အဖေ အလုပ်လုပ်တဲ့ စာပွဲပတ်လည်မှာ စာအုပ်တွေ ထည့်ထားတဲ့ လူတရပ်ကျော်မြင့် မှန်ဘီဒိုကြီးတွေ ရှိပါတယ်။ ဒါကြောင့် ကျနော့်နဲ့ အဲဒီ ထောက်လှမ်းရေးကလူ ထိုင်နေတဲ့ နေရာကနေကြည့်ရင် အဖေ့အလုပ်စာပွဲကိုလည်း မမြင်ရ၊ တဖက်ခန်းကို ကူးတဲ့တံခါးကိုလည်း မမြင်ရပါဘူး။ အဲဒီတဖက်ခန်းမှာ အပြင်ထွက်ဖို့ တံခါးဖွင့်ထားတယ် ဆိုတာကတော့ ပိုမဖြစ်နိုင်ပါဘူး။
အပေါ်က ဆင်းလာကြတော့ အမေက နောက်ကနည်းနည်းချန် လိုက်လာပါတယ်။ နောက်ပြီးမှ စာအုပ်ဘီဒိုကြီးတွေနောက် ဝင်လိုက်ပြီး ဘာဂျာတံခါးသော့ကို သွားဖွင့် လိုက်တာပါ။ အဲဒီနောက်မှာ သူက ဧည့်ခန်းဆီကို ပြန်လာပြီး ကျနော့်ကို ခေါင်းတချက် ငြိတ်ပြ လိုက်ပါတယ်။ ဖွင့်ပြီးပြီဆိုတဲ့ အဓိပ္ပာယ်ပါ။ ပြီးမှ သူဟာ ဧည့်ခန်းထဲက သူ့နဂို နေရာမှာ ဝင်ထိုင်နေပါတယ်။
ကျနော်က ကျနော့်နှမကို အစာအိမ်ဆေးသောက်ဖို့ ဆေးနဲ့ရေတခွက် သွားယူခိုင်း လိုက်ပါတယ်။ ဒါကို အားလုံးကမြင်သိကြ ပါတယ်။ သူက အပေါ်ထပ်ကိုတက်သွားပါတယ်။ ခဏကြာလို့ ကျနော့်နှမက မလာတော့ ကျနော်က “ဒီကောင်မလေးကလည်းကြာ လိုက်တာ” လို့ အားလုံးကြားအောင် ညည်းပြီး သူ့နောက်လိုက်ဖို့ ဟန်ပြုလိုက်ပါတယ်။ ဘေးက ထောက်လှမ်းရေးဟာ ဝေးဝေးသွားမယ် မထင်လို့ထင်ပါရဲ့ သူ့နေရာကပဲ ထိုင်ကြည့်နေပါတယ်။ ကျနော် မှန်ဘီဒိုကြီးတွေ နောက်ကွေ့ဝင်လိုက်တာဟာ ဘာဖြစ်နိုင် တယ် ဆိုတာ သူဘယ်လိုမှ တွက်မိဟန်မတူပါဘူး။ ကျနော်က အဲဒီ နောက်ဖေးပေါက်ကနေ တစွတ်ထဲ ထွက်ပြေးသွားတာက ကျနော့်ဘဝတခုလုံး အပြောင်းလဲကြီး ပြောင်းလဲသွား တော့တာပါပဲ။
ကျနော်အရှေ့မြောက် အခြေခံဒေသကိုရောက်တော့ မန္တလေးမြေအောက်လုပ်ငန်းက လာတဲ့ လူနဲ့တွေ့ပါတယ်။ ကျနော်နဲ့ လုပ်ဖော်လုပ်ဖက်ဟောင်း၊ သူငယ်ချင်းဟောင်းပါ။ သူ့ကို ပါတီဗဟိုကနေ တချို့လုပ်ငန်းတွေ မှာလိုက်ရာမှာ ကျနော်ကတဆင့် မှာခိုင်းပါတယ်။ ဒီအခါမှာ သူကလည်း မန္တလေးမှာကျန်ခဲ့၊ ဖြစ်ပျက်ခဲ့တာတွေပြောပြရင်း ကျနော့်အတွက် အင်မတန်စိုးရိမ်ခဲ့ကြကြောင်း ပြောပြပါတယ်။ ကျနော်ကလည်း ကျနော်ဘယ်လိုလွတ်ထွက် လာတယ်ဆိုတာတွေ သူ့ကိုပြောပြပါတယ်။ လူရင်းတွေမို့ပါ။ အမေ့ကြောင့် လွတ်လာပုံကို လည်း ပြောပြလိုက်ပါတယ်။ ဒါပေမဲ့ဖြစ်ချင်တော့ မန္တလေးယူဂျီတခုလုံးနီးပါး အဖမ်းခံ ရတော့ ဒီလူလည်း ပါသွားပါတယ်။ သူကအကုန်ဖော်၊ အကုန်ဖောက်ပါတယ်။ ဒါကြောင့် စစ်အစိုးရဟာ ကျနော့်အမေပါဝင်တဲ့အခန်းကို သိသွားတာဖြစ်ပါတယ်။ ဒီလိုနဲ့ အမေ့ကို စစ်အစိုးရက ညှိုးစရာ ကိစ္စတခုတိုးသွားတာပါပဲ။
ဒီဖြစ်စဉ်တခုလုံးမှာ ကျနော်၊ ကျနော့်မိဖ၊ ကျနော့်အမနဲ့နှမ၊ လာဖမ်းတဲ့လူတွေ- ထောက်လှမ်းရေး၊ အက်စ်ဘီနဲ့ ရပ်ကွက်လူကြီးတွေ၊ တဦးစီ-တဦးစီမှာ ဘယ်လို ခံစားချက်တွေ ဖြစ်ပေါ်နေကြမယ်ဆိုတာ ပြန်စဉ်းစားလိုက်ရင် အင်မတန်မှ စိတ်ဝင်စားစရာ ကောင်းမှာပါ။ စာဖွဲ့ရင် စာတအုပ်များ ရမလားပါ။ ကျနော်အတိအကျ သိတာကတော့ ကျနော်တဦးတည်း ရင်ထဲကခံစားချက်ကို သာပါပဲ။ ပြောရရင် အဲဒီအချိန်က ကျနော့် ခေါင်းထဲမှာ အလုပ်သဘော စဉ်းစားနည်းက လွှမ်းမိုးနေပါတယ်။ ဆိုလိုတာ ဘယ်လို လွတ်အောင်ထွက်ရမလဲ၊ ဘယ်သူ့ဆီက ဘာသတင်းပေါက်သလဲ၊ သူတို့ ဘာတွေသိထား သလဲ စတာတွေပါပဲ။ တခြားဘာမှ တွေးမနေနိုင်ပါဘူး။
ညမှာ မန္တလေးမြို့က ခွာပြီဆိုတော့မှပဲ ကိုယ့်ခံစားချက်ဖက် အာရုံလှည့်မိပါတယ်။ ပထမဆုံး ခေါင်းထဲမှာ ပေါ်လာတာက မာတာပီတု ဂုန္တောအနန္တော ဆိုတာပါပဲ။
ဖိုးသံ(လူထု)

Adopted by General Assembly, United Nations on 18 December 1978.

Burma ratified in 1997.

Article.1          Discrimination – sex, equality of HR, freedoms in political; economic; culture and civil rights

Article.2          State duties – equality of men and women, legal protection for women

Article.3          State duties – to open political, economics, and culture field for women

Article.6          protection for trafficking and exploitation of prostitution of women

Article.7          Equal political and public life – NGOs associations

Article.8          Equal in work of international level, representatives.

Article.9          Nationality – can not force wife become husband’s nationality, can change or retain.

Article.10        Equal Education.

Article.11        Equal employment -protection and protect for pregnancy, health

Article.12        Health and health care services, family planning

Article 13        Right to family benefit , financial and cultural life

Article.14        care of women in rural area (state duty)-development, health care and social security

Article.15        Equal before the law( men and women )

Article.16        Right to marry and has a family

• A man must give his friends all necessary things as much as possible.

• He must speak pleasantly to them.

• He must do his best for the benefit of both his friends and himself.

• He must them as his equal.

• He must be true to his words and promises.

အရောင်က၀ါကျင့်ကျင့်

နောက်မဆုတ်ပဲ

ရဲရင့်တဲ့စိတ်ဓာတ်

လာမထိနဲ့

fight မယ်ဆိုပဲ။

ကျွှနုပ်လည်းပဲလေ

ခွပ်ဒေါင်းလို စိတ်ဓာတ်ဝင်ခဲ့ပေါ့။

မှန်ရာကို လုပ်ရဲတဲ့ ကျွှနုပ်

အချို့က ထက်မြတ်ပေမဲ့

ဇွတ်တရွတ်နိုင်တယ်ဆိုပဲ။

ကျွှနုပ်ရင်ထဲ ဖြစ်ပျက်တည်ကြည်

ဘယ်ဟာအမှား

ဘယ်ဟာအမှန်ဆိုတာ

ခွပ်ဒေါင်းပဲ သိမှာပါ။

ဒါပေမဲ့   ခွပ်ဒေါင်းရယ်——

လောကအလယ် မှာ

သဘောသဘာကြီးကိုက

အားကြီးသူ နိုင်စမြဲမို့

ဆို့နင့်တဲ့ဝေဒနာနဲ့

ကျွှနုပ် ——ကျရှုံးခဲ့ရပြီ   ခွပ်ဒေါင်းရယ်။

ကျမ ကျောင်းသွားတိုင်း ဒီလမ်းလေးကနေ ဖြတ်သွားနေကျပါ။

အဲဒီမှာအမိုးတို့မိသားစုနဲ့ တွေ့ခဲ့ရတယ်။

အမိုးက ကျမစကားကိုနားမလည်ပါဘူး။ ဒါပေမဲ့ နွေးထွေးတဲ့အပြုံးတွေကြောင့် ကျမ ခင်မင်မိပါ တယ်။

အတီးခမ်းကုန်း (ဖူးကို့)နှင်အမိုးမုသေးတို့ဟာ ကရင်ပြည်နယ် ရှိ ရွာကလေးတရွာ မှာလွန်ခဲ့သော ၁၀ နှစ်ကျော် ကနေထိုင်ခဲ့ပြီး နအဖ ရဲရန်ကို ကြောက်ပြီး ထွက်ပြေးလာတာလို့ ကျမကို ပြောပြ ခဲ့ပါတယ်။ဒုက္ခသည် စခန်းမှာ နေတာ ၁၀ နှစ်ကျော် ပြီ ဖြစ်ပြီး ကလေးများရှိကြောင်းကိုလည်းကျမ ကို ပြောပြသွားပါတယ်။

အခုphoto တွေက အတီးတို့ယာခင်းထဲမှာ အတီး တို့ အလုပ် လုပ်နေတုန်း ရိုက်ကူးထားတာဖြစ်ပါတယ်။

သမီးမေးသမျှကို နားမလည်တလည် နဲ့  ဖြေကြားပေးခဲ့တဲ့ အတီးနဲ့ အမိုးရေ———–တဘလူ ဖာဒို့— ပါ နော်။